Golashënuesi i Bajernit të Mynihut, Robert Levandovski, u detyrua të ndalonte stërvitjen e ditës së djeshme. Në “Grassau am Chiemsee”, yjet bavarezë nuk kanë pse të bëjnë pa familjet e tyre.
32-vjeçari përfundoi para kohe stërvitjet në kampin ku po qëndrojnë, pas vetëm 40 minutash, sipas gazetës “Bild”.
Prandaj, polaku u largua nga fusha stërvitore me mjekun e ekipit Johen Hahne dhe fizioterapistin Xhani Bianki. Pak më vonë, megjithatë, klubi nëpërmjet rrjeteve sociale, qetësoi tifozët duke thënë se Robert Levandovski kishte marrë pak më shumë ngarkesë se pjesa tjetër e skuadrës.
NË KËRKIM TË REKORDIT
Futbollisti më i mirë në botë mund të vazhdojë të përpiqet të thyejë rekordin “e përjetshëm” të golit të Gerd Mylerit (40 gola sezonalë) nga sezoni 1971-‘72. Në ndeshjen të shtunën (15:30 pasdite) kundër Fraiburgut dhe një javë më vonë kundër Augsburgut, atij i duhet vetëm një gol për të ndaluar markën legjendare.
Polaku pritet të dalë sot sërish në stërvitje para se skuadra të niset për në Fraiburg për të luajtur javën e parafundit. Kujtojmë se Bajerni luan vetëm për statistikë pasi ka siguruar kampionatin një javë përpara duke fituar për të 31- ën herë trofeun.
