Interi pësoi një disfatë 3-2 në transfertë kundër Juventusit, teksa ishte një ndeshje morali për zikaltrit pasi objektivat e tyre të sezonit janë arritur tanimë.
Pas ndeshjes, për mikrofonat e “Inter TV”, zëvendëstrajneri, Kristian Stelini u shpreh se Interi tregoi pjekuri në këtë ndeshje dhe e cilësoi si sukses pasi skuadra reagoi mjaft mirë në fushë në momentet kur u gjend në disavantazh.
Ndeshja: “Ne jemi të bindur që meritonim më shumë, por ishte e rëndësishme të vinim këtu dhe të tregonim se dëshironim të sillnim në shtëpi tre pikët. Ne u përpoqëm dhe patëm sukses me performancën, na vjen keq por kjo ndeshje nuk na ndryshon qetësinë dhe krenarinë tonë, ne duhet ta shijojmë këtë moment”.
Pjekuria: “Ne kemi punuar në këtë aspekt që nga dita e parë dhe përmirësohesh akoma më shumë në të tilla ndeshje. Nuk e filluam mirë ndeshjen, por reaguam mirë kur u gjendëm dy herë në disavantazh. Krenaria jonë si ekip mbetet”.
Juventusi: “Juve mbetet një pikë referimi sepse në dhjetë vitet e fundit ka qenë gjithmonë kështu dhe ne kemi luajtur në mënyrë të barabartë dhe rezultati nuk ka qenë gjithmonë i vërtetë. Ne kemi bërë hapa të jashtëzakonshëm në të tilla ndeshje, duhet të përmirësohemi dhe në Ligën e Kampionëve, e kuptojmë se duhet diçka më shumë, vitin e ardhshëm do të na duhet kjo pjekuri për Champions-in”, e mbylli fjalën e tij Stelini.
