Sikur të mos mjaftonte vetëm sherri Lautaro-Konte, tani Interit i është shtuar dhe një çështje “Lukaku”.
Sulmuesi belg sot mbush 28 vjeç dhe për festën e ditëlindjes së tij ai e ka organizuar në mënyrë të fshehtë në një hotel së bashku me tre lojtarë të tjerë zikaltër si Hakimi, Perisiç dhe Eshli Jang.
Pas fitores 3-1 ndaj Romës në stadiumin “Giuseppe Meazza”, katër lojtarët e Interit u transferuan menjëherë në hotel ku në orën 03:00 të mëngjesit janë kapur në flagrancë nga policia.
Në total janë identifikuar 24 persona, midis tyre dhe drejtori i restaruantit dhe hotelit që ka organizuar këtë event. Drejtori dhe të ftuarit do të gjobiten për mos respektim të masave antiCOVID të vendosur nga qeveria italiane.
