Rregullimi i bilanceve me një shifër 80-100 milionë euro për lojtarët në shitje. Sipas asaj që raporton e përditshmja sportive italiane “Corriere dello Sport”, bardhezinjtë kanë nevojë për një plusvalencë për të rregulluar bilancet e saj dhe zbulohen emrat që priten të largohen në merkaton verore.
I pari është Shezni i cili do të garantonte një plusvalencë të madhe, gjithashtu edhe Merih Demiral. Ramsej, ndërsa Frabota mund të hyjë në një tratativë me shkëmbim lojtarësh. Largime të tjera janë, Rugani, De Shiljo, Perin, Pelegrini dhe Pjaca.
Pandemia globale e COVID-19 ka prekur pothuaj të gjithë skuadrat europiane dhe sigurisht nuk kishte si të mungonte dhe Juventusi ku pritet të bëjë një revolucion për të rregulluar financat e goditura gjatë këtij viti pandemik.
