Rei Manaj realizoi dy gola për Barcelonën B ditën e sotme, në ndeshjen gjysmëfinale për “Play Off”-in në Ligën e Dytë spanjolle.
Pavarësisht dy golave të sulmuesit shqiptar, katalanasit u barazuan nga UCAM Mursia dhe ndeshja iu drejtua 11-metërshave. Aty ishte një çmenduri e vërtetë, ku portierët, ia dolën ta presin 8 gjuajtje, nga 4 për secilën skuadër.
Manaj kishte mundësinë t’i jepte fitoren Barcelonës, pasi ishte i pesti në radhë, por gjuajtja e shqiptarit shkoi mbi tranversë, duke bërë që seria e gjuajtjeve të vazhdonte.
Në fund UCAM Mursia ia doli të triumfojë, duke prekur kështu finalen, ndërsa Manaj me shokë nuk shkuan më shumë se gjysmëfinalja, ndonëse treguan paraqitje të mirë.