Robert Levandovski është lojtari i momentit jo vetëm te Bajerni, por në të gjithë Europën. Me 39 golat e shënuar në kampionat, polaku kryeson jo vetëm renditjen e golashënuesve në Bundesligë, por dhe atë të pesë kampionateve më të mira në Europë.
Kështu, ka shënuar më shumë se Lionel Mesi që me Barçën është në kuotën e 28 golave, Kristiano Ronaldo që ka gjetur 27 herë rrjetën dhe Erling Haland që është në kuotën e 25 golave me Borusian e Dortmundit. Në listë janë edhe lojtarë si Romelu Lukaku që me Interin kampion të Italisë ka shënuar 21 gola, po aq sa Herri Kejn me Totenhemin. Duket qartë diferenca që Leva ka me lojtarët e tjerë, jo më kot polaku u shpall lojtari më i mirë në botë në sezonin e kaluar.
