Të jesh 90 minuta larg titullit, është e pashmangshme që të mos mendosh edhe për festën. Kësisoj, në klubin e Teutës janë mes dy “zjarresh”.
Së pari, do të duhet të motivojnë lojtarët, t’i ndërgjegjësojnë për seriozitet në 90-minutëshin e fundit dhe nga ana tjetër të mendojnë edhe detajet organizative për festën e titullit. Për këtë, në klub shpresojnë për mundësinë që të rikthejnë tifozët në impiant dhe pritet të bëjnë kërkesë në autorietet përkatëse.
Do të kërkohet në instancat shtetërore që të mund të ketë hapësirë në një impiant të hapur dhe mundësi për të krijuar distancim social, të mund të lejohet një numër i caktuar spektatorësh.
