UEFA ka akorduar një gjobë prej 50 mijë eurosh për Ibrahimoviç pas përfshirjes së këtij të fundit në aksionet e një kompanie basteve.
Lajmi bëri bujë pak kohë më parë dhe u përfol për një dënim me pezullim për 3 vite nga futbolli i shtatlartit, por UEFA ka vendosur gjobën e majme për shtatlartin suedez, i cili do të duhet të paguajë plot 50 mijë euro.
Në këtë rast nuk shpëtoi as klubi i Milanit, teksa selia e UEFA-s akordoi një gjobë prej 25 mijë eurosh për kuqezinjtë. Në këtë rast ka ndodhur e keqja më e mirë e mundshme për Ibrën i cili rrezikonte dhe përjashtim nga futbolli, por UEFA është treguar e “butë” me yllin suedez.