Skuadra e Superligës kosovare, Llapi nuk ka pritur hapjen e merkatos, teksa ka prezantuar afrimin e parë për seronin e ardhshëm.
Nëpërmjet faqes zyrtare, klubi llapjan, ka prezantuar afrimin e sulmuesit brazilian, Alef Firminjo Dos Anjos. Ky i fundit sezonin e kaluar ishte pjesë e skuadrës së NK Dubrava në Ligën e Dytë në Kroaci, ku ishte nga lojtarët më të mirë të sezonit, duke shënuar 20 gola dhe duke dhënë 8 asiste gjatë gjithë kampionatit, në 26 ndeshje të zhvilluara.
Dos Anjos është bashkuar me Llapin që në muajin prill, teksa tashmë ka bindur drejtuesit dhe është bërë zyrtarisht pjesë e skuadrës.
