Tiémoué Bakayoko duket se nuk ka bindur drejtuesit e Napolit për ta blerë dhe mesfushori do të rikthehet përsëri tek Çelsi nga ku ka një kontratë deri në vitin 2022.
Milani qëndron në dritare për të ku sipas mediave italiane thuhet se 26-vjeçari i është vetëofruar kuqezinjve sepse Çelsi nuk eshtë më një opsion për të.
Klubi londinez dëshiron ta shesë, por shifra e kërkuar prej 15/20 milionë euro është një çmim relativisht i lartë për buxhetin aktual të skuadrës nga Milano.
Bakajoko gjatë sezonit të kaluar është aktivizuar në total në të gjitha kompeticionet në 44 ndeshje nga ku ka realizuar 2 gola dhe ka dhuruar 2 asist.