Ashraf Hakimi mund të cilësohet një lojtar i PSG-së. “Corriere Dello Sport” raporton se zikaltrit kanë pranuar ofertën e francezëve dhe zyrtarizimi do të bëhet pas datës 30 qershor.
65 milionë euro + 5 milionë bonuse do të fitojë Interi më transferimin e mbrojtësit maroken, një shifër e lartë kjo duke menduar që një vit më parë e bleu për shifrën e 40 milionë eurove nga Real Madrid.
PSG-ja mposhti konkurrencën e Çelsit të cilët ofruan 55 milionë euro dhe shërbimet e mbrojtësit Markos Alonso, por zikaltrit janë joshur nga oferta e lartë e francezëve. Hakimi cilësohet si një ndër futbollistët më të mirë në botë në rolin e tij.
