Tjetër dëmtim për sulmuesin e Interit, Aleksis Sançez.
Sipas asaj që raportojnë mediat vendase, gjatë stërvitjes me kombëtaren e Kilit, 32-vjeçari është dëmtuar në pulpën e djathtë dhe prezenca në ndeshjen ndaj Argjentinës më datë 14 qershor në Kupën e Amerikës është në dyshim të madh.
Kjo është e disata herë që Sançez dëmtohet gjatë këtij sezoni. Kilieni me fanellën e Interit është aktivizuar në total në këtë sezon në të gjitha kompeticionet në 38 ndeshje nga ku ka realizuar 7 gola dhe ka dhuruar 8 asist.
Kili është shortuar në Grupin A të Kupës së Amerikës me kombëtare si Argjentina, Paraguaj, Bolivi dhe Uruguaj.
