Pas zgjedhjes së Aymeric Laporte, mbrojtësi qendror i Manchester City, për të luajtur me ekipin kombëtar spanjoll në vend të atij francez, mbërrijnë deklaratat e trajnerit të kampionëve të botës Didier Deschamps. “Ai e kishte këtë mundësi – thotë për France Football – “sepse ai ende nuk kishte luajtur me ne për shkak të konkurrencës së fortë në rolin e tij.
Nuk do të kishte qenë e drejtë ta vendosnim edhe një herë për ta parandaluar që të bënte këtë zgjedhje.
Në të njëjtën kohë nuk është e vërtetë ajo që u shkruajt se unë kurrë nuk do t’u përgjigjesha mesazheve të tij për këtë çështje. Ishte zgjedhja e tij. Unë i uroj fat të mirë”.