Ndeshjet Live Sport

LIVE/ “EURO 2020”: Mbyllet ndeshja Belgjikë-Portugali. Rezultati 1-0

Do të startojë në orën 21:00, në stadiumin “Estadio de La Cartuja” në Sevija, sfida e katërt të fazës së 1/8 të EURO 2020, Belgjikë-Portugali.

Të dyja kombëtaret kanë vetëm një objektiv, fitoren dhe kualifikimin për në çerekfinale.

Kjo supersfidë do të jetë edhe një takim i vetëm midis dy liderëve të dy kombëtareve, Romelu Lukakut të Belgjikës dhe Kristiano Ronaldos të Portugalisë, ku përveç përballjes së tyre në kampionat mes Interit dhe Juventusit tani duket se çdo gjë do të fokusohet tek ky takim ku të dy sulmuesit e duan triumfin dhe kualifikimin me çdo kusht.

 

LIVE/ Belgjikë – Portugali 1-0

Th.Hazard 42′

KOMENTI LIVE:

Përfundon ndeshja

90+5′ Zëvendësim te Belgjika, largohet autori i golit Thorgen Hazard vendin e tij e merr Dendonker.

90+4′ Pranë golit të barazimit Portugalia me Zhoao Feliks, gjuajtja e tij shkoi jashtë kuadratit.

90′ Akordohen 5 minuta shtesë.

88′ Emocionet kapin maksimumin, Andre Silva, provon të ndëshkojë belgët, por i vëmendshëm aty Kurtua që kontrollon gjithçka.

87′ Zëvendësim i detyruar te Belgjika, largohet Eden Hazard, në lojë Karasko.

83′ Shtylla i mohon golin Guerreros, që provoi me një tentativë fluturimthi, por ishte i pafat.

82′ Minuta mjaft të mira për Portugalinë që hidhen në sulm në kërkim të golit. Ruben Diaz godet bukur me kokë pas një harkimi nga këndi, por grushton Kurtua.

81′ Shkon në 5 numri i kartonëve të verdhë, ndëshkohet edhe mbrojtësi Alderveil.

78′ Dy zëvendësimet e fundit te Portugalia, largohen Palhinha dhe Sançez, në vendin e tyre Danilo dhe Serxhio Oliverira.

76′ Momente tensioni në fushë, pas ndërhyrjeve të gabuara ndaj Lukakut dhe Thorgen Hazard. Ndizet sfida! Pepe ndëshkohet me karton të verdhë.

72′ Vermalen është futbollisti i radhës i ndëshkuar me karton të verdhë.

70′ Tjetër zëvendësim te Portugalia, Zhota i lë vendin Andre Silvës.

58′ Shans i artë për Portugalinë me Zhotën, tentativa e sulmuesit të Liverpulit në hyrje të zonës, shkoi mbi kuadratin e portës.

55′ Dy zëvendësime te Portugalia, largohen Zhoao Mutinjo dhe Bernardo Silva në lojë  Zhoao Feliks dhe Bruno Fernandesh.

48′ Zëvendësim te Belgjika, largohet De Bryjn, në vendin e tij Mertens.

46′ Starton pjesa e dytë.

Mbyllet pjesa e parë.

42′ GOOOL BELGJIKA/ Thorgen Hazard kalon në avantazh “djajtë” falë një supergoli nga distanca, duke shtangur portierin Rui Patrisio.

25′ Momente drithërimash në portën e Kurtua. Ronaldo provon me një predhë nga goditja e dënimit, por tentativa e yllit portugez grushtohet në vështirësi nga gardiani belg.

20′ Minuta të qeta në këtë harkon kohor, të dy skuadrat studiojnë njëra-tjetrën, mungojnë rastet e rrezikshme në portat respektive.

10′ Provon edhe Belgjika me Eden Hazard, por gjuajtja e tij shkoi mbi kuadratin e portës së mbrojtur nga Rui Patrisio.

6′ Rast i artë për Portugalinë me Zhotën, i cili provoi me të majtën brenda zonës, por gjuajtja e tij ishte e gabuar, duke sfumuar kështu një mundësi të mirë shënimi.

1′ Ka startuar sfida!

Related posts

LIVE/ Botërori 2022: Mbyllet ndeshja Ukrainë-Francë. Rezultati 1-1

Delo.autor

BYLIS MAT FORCAT NË MIQËSORE/ Ballshiotët do të testohen ndaj klubit të Superiores…

Delo.autor

MERKATO E BUJSHME/ Real Madrid i “çmendur” pas yllit të Tottenham, ja sa këkojnë anglezët për ta lënë të lirë

Delo.autor

Leave a Comment