Joakim Lëv mbylli karrierën e tij 15 vjeçare si trajner i Gjermanisë duke u larguar kokulur pas eliminimit nga Europiani.
Pas ndeshjes, Lëv u dha kurajo futbollistëve të tij duke u shprehur se 4 vite më vonë do të jenë në kulmin e tyre, ndërsa për të ardhmen u shpreh se do të bëj disa kohë pushim.
‘’Disa nga këta lojtarë do të jenë në kulmin e tyre në Kampionatin Europian të 2024-ës. Do të jenë më të rritur, më me eksperiencë dhe të pamëshirshëm.
E ardhmja? Jam në krye të Gjermanisë prej 15 vitesh dhe me të gjithë përgjegjësinë e madhe, disa pushime duhen. Duhet kohë për të krijuar energji të reja, për momentin nuk kam ndonjë plan konkret’’.