E ardhmja e mesfushorit holandez, Xhorxhinjo Vajnaldum pritet të jetë në Francë. Futbollisti i cili në sezonin e fundit ishte pjesë e Liverpulit, dukej shumë afër kalimit të Barcelona, madje mediat e kishin bërë fakt të kryer, por e ardhmja e tij ka marrë një tjetër drejtim.
Sipas raportimeve të fundit në garë për të marrë mesfushorin është futur edhe PSG-ja, me këta të fundit që thuhet se e kanë bindur lojtarin për ta marrë në skuadër.
Oferta e bërë nga klubi francez në drejtim të lojtarit, ka bërë që tashmë Vajnaldum të mendojë kalimin në “Parc de Prince”. Marrëveshja është shumë afër dhe në ditët e ardhshme pritet të vijë edhe zyrtarizimi për këtë lëvizje.
