Shqiprim Taipi është në orbitën e Tiranës. Edhe pse është kërkuar nga shumë skuadra në Superiore, lojtari nuk nxitohet. Së fundmi edhe bardheblutë i kanë bërë një ofertë ish-lojtarit të Skënderbeut.
Lojtari mund të bëjë punë në mesin e fushës. Lojtari ka tri sezone me fanellën e korçarëve, ndërsa në fund të këtij kampionati ai shpalli divorcin me skuadrën juglindore.
Sezonin e fundit lojtari është aktivizuar në 28 takime, duke qenë në fushë 2166 minuta dhe një gol. Taipi mund të jetë një zëvendësues perfekt në mesfushë për Bathën, sepse ka cilësitë e lojtarit gjirokastrit.
