Pas 6 golave në 25 paraqitje me Specian, Tomaso Pobega do të rikthehet te Milani që e kishte huazuar. Mesfushori mund të konfirmohet nga drejtuesit në një repart i cili në janar 2022 do të humbasë shërbimet e Kesit dhe Benaserit që do të largohen për të luajtur në Kupën e Afrikës.
Mesfushori italian do të ishte i dobishëm edhe për listat e UEFA-s të cilat u imponojnë klubeve përfshirjen e lojtarëve të dalë nga akademitë përkatëse.
Përveç mesfushorit, Milani synon goditje edhe në korsinë e majtë ku kërkohet një zëvendës për Teo Hernandezin. Emri më i kuotuar në këto momente është ai i Zhunio Firpos. Barcelona synon ta huazojë dhe Maldini duhet të zbarkojë së shpejti në Spanjë për të kërkuar një hua 1-vjeçare me të drejtë blerje, pikërisht siç u veprua dy vite më parë për Teo Hernandezin.
