Një incident trishtues u regjistrua në minutën e 42-të në ndeshjen e grupit B të Kampionatit Europian mes Danimarkës dhe Finlandës.
Mesfushori danez, Kristian Eriksen humbi ndjenjat në fushë, pas një kolapsi kardiak. Futbollisti ishte duke ecur teksa u rrëzua në fushë, Pas këtij momenti, gjyqtari sinjalizoi që mjekët të futeshin në fushë.
Menjëherë ka reaguar stafi mjekësor i Danimarkës duke i dhënë ndihmën deçizive, që e riktheu në jetë futbollistin e Interit.
Pas masazhit kardiak të mjekëve që zgjati disa minuta, futbollisti arriti të merrte veten, duke dalë nga rreziku për jetën, teksa së fundmi është raportuar se gjendja e tij paraqitet e qëndrueshme.
