I ftuar në emisionin ‘’Euromania’’ të moderatores Enxhi Biba në ‘’News 24’’, trajneri i njohur Ardian Mema komentoi ndeshjen midis Anglisë dhe Kroacisë duke u shprehur se me këtë lojë anglezët janë favoritë për kompeticonin.
‘’Anglia dominoi në pasime dhe në anë fizike. Në disa momente Kroacia ishte shumë e vakët, Anglia nuk e la të dilte në lojën e saj. Anglia përveç golit pati disa raste ku goditi dhe shtyllën.
Po mos të shikosh lojën të shohësh vetëm statistikat e kupton që Anglia dominoi. Jo pa qëllim e citova që Anglia po luante ndaj nënkampionëve të botës, por çdo gjë varet nga forma e lojtarëve. Anglia është më e freskët, ka disa yje në skuadër.
Kroacia ka një shpërndarje të lojtarëve në disa kampionate ndërsa anglezët luajnë shumica në kampionatin e tyre. Po vazhdoi kështu Anglia do të luftojë për trofeun’’.
