Presidenti i FIFA-s, Xhani Infantino ka uruar skuadrën e Teutës për fitimin e titullit kampion këtë sezon të Kategorisë Superiore.
Nëpërmjet një letre drejtuar presidentit të FSHF-s, Armand Duka, Infantino shkruan se ky rezultat vjen si pasojë e një punë të palodhur dhe në sajë të pasionit të madh teksa inkurajon durrsakët të vijojnë me të njëjtën vendosmëri.
Letra e urimit për Teutën nga Xhani Infantino
I dashur President,
Më lejoni të uroj ekipin e Teutës për kurorëzimin si kampione e Shqipërisë për edicionin 2020-2021.
Ky titull vjen pa dyshim si rezultat i punës së palodhur, pasionit dhe përkushtimit dhe çdokush në klub duhet të ndihet krenar për këtë arritje të rëndësishme. Do t’ju isha mirënjohës nëse do t’ia shprehnit urimet e mia çdokujt që ka qenë i përfshirë, të cilët i inkurajoj të vazhdojnë të punojnë me shpirtin e skuadrës, pasion dhe vendosmëri.
Në emër të komunitetit ndërkombëtar të futbollit, përfitoj nga rasti për t’ju falenderuar juve dhe Federatën tuaj për kontributin tuaj në zhvillimin dhe prosperitetin e futbollit në Shqipëri, rajonin tuaj dhe në botë.
Pres të shihemi së shpejti,
Juaji sinqerisht,
Gianni Infantino
