Bernard Karrica do të luajë te skuadra e Rijekës këtë sezon. Mesfushori anësor i cili në rolin natyral është i majtë, por mund të luajë edhe në të djathtën, ka vendosur të transferohet nga skuadra e Dinamos së Zagrebit për ekipin e Rijekës, me shpresën që do të ketë hapësira më tepër.
“Kam qenë për dy vite e gjysmë te Dinamoja, por vendosa që të largohem prej aty. Zgjodha Rijekën sepse besoj se do të kem mundësi që të jap më të mirën time.
Kroacia është një vend i bukur dhe unë ndihem mirë me çdo gjë këtu. Po pres me padurim që të nis përgatitjet me skuadrën për t’u bërë gati për sezonin e ri”, tha mesfushori i Kombëtares U-21, Karrica.
