Japonia është gati të zbusë disa nga masat anti-Covid, për të bërë të mundur që eventet olimpikë që nisin më 23 korrik të ndiqen nga tifozët. Mediat e këtij vendi raportojnë se nga 20 qershori, në Tokio do të hiqet “gjendja e jashtëzakonshme”.
Organizatorët e Lojërave Olimpike “Tokio 2020” synojnë që në disa evente të jenë deri në 10 mijë tifozë në stadium. Të gjithë ata që do të kenë një biletë do të respektojnë masat anti-Covid, duke mbajtur maska dhe respektuar distancimin social.
Koht e fundit, në Japoni nisi vaksinimi i popullsisë për moshën nën 65 vjeç, me shpresën që numri i të infektuarve të ulet. Gjithashtu, synohet që në disa evente të jenë 50% e tifozëve, në mënyrë që të mbulohen humbjet e mëdha financiare.
