Ish-futbollisti i Bajernit për plot 9 sezone, Havi Martinez, i ka surprizuar të gjithë me skuadrën e re.
32-vjeçari është zyrtarizuar ditën e sotme te Qatar Sport Club. Ka qenë vetë klubi nga Doha që me anë të një video në rrjetin social “Twitter”, ka njoftuar goditjen e bujshme në këtë merkato të verës.
“Përshëndetje të gjithë miqve të Qatar SC. Jam i lumtur t’u lajmëroj që do të shihem me ju shumë shpejt. Qëndroni në gatishmëri“, ishin fjalët e Havi Martinez te video e postuar nga klubi.
Vlen të theksohet fakti se te skuadra e Qatar SC aktivizohet edhe ish-sulmuesi i Laçit, Antoni Okpotu. 27-vjeçari numëron 4 gola në 18 ndeshje me skuadrën nga Katari. Okpotu dhe kampioni i botës, Havi Martinez tashmë do të jenë shok skuadre…
