Besnik Hasi k nisur një aventurë të re, teksa ka marrë drejtimin e skuadrës së Al Ahli në Arabinë Saudite. Ka qenë vetë klubi që ka njoftuar arritjen e marrëveshjes dhe ka zyrtarizuar firmën me trajnerin shqiptar.
Hasi e njeh shumë mirë kampionatin në Arabinë Saudite, teksa nga 2018 ka drejtuar skuadrën e Al Raed. Kështu 49-vjeçari vazhdon karrierën e tij si trajner në Arabinë Saudite, pavarësisht zërave që kanë qarkulluar mbi një rikthim të mundshëm në Belgjikë.
Në të kaluarën, Hasi ka drejtuar edhe Anderlehtin në Belgjikë, Legian e Varshavës në Poloni dhe Olimpiakosin në Greqi.
#WELCOME_HASI 💚 pic.twitter.com/xDYw0RA85j
— النادي الأهلي السعودي (@ALAHLI_FC) June 6, 2021