Herald Marku ka zyrtarizuar “divorcin” me Vllazninë. Nëpërmjet një statusi në “Instagram”, mesfushori ka konfirmuar se nuk do të jetë më pjesë e skuadrës shkodrane, pas 2 sezonesh të paharrueshme me fanellën kuqeblu.
Në postimin e Markut, nuk kanë munguar falënderimet e shumta, për drejtuesit, stafet teknike dhe mjekësore, si dhe për shokët e skuadrës dhe tifozët.
Vlen të theksohet fakti se pas përfundimit të aventurës me Vllazninë, mesfushori do të nis një kapitull të ri në karrierën e tij, teksa ka arritur akordin me Partizanit dhe do të veshë fanellën e “demave” në të ardhme, duke firmosur një kontratë 2-vjeçare.
POSTIMI I MARKUT:
Pershendetje!
Pas dy sezonesh te paharrueshme me Vllazninë, erdhi momenti te filloj nje kapitull te ri ne karrieren time.
Kalova çaste te mrekullueshme dhe qe do ti mbaj mend gjate ❤️💙
Dua te falenderoj Bordin Drejtues per mundesine e dhene, per te qene pjese e Vllaznisë, Kryetaren e Bashkise Voltana Ademi, Drejtorin Suad Licin dhe Sponsorin Alban Xhaferri.
Falenderoj stafin teknik, tranjerin Thomas Brdariç per besimin dhe mbeshtetjen e madhe per mua gjate sezonit, Elvis Plorin, Safet Osja, Ideal Lekiqi dhe Altin Nikshiqi.
Falenderoj stafin mjeksor, Zydi Coba, Ilirjan Haxhaja dhe Ani Ferhati.
Falenderoj te gjithe shoket e ekipit qe çdo sfide e kaluam sebashku. Cdo moment ishim si nje familje per mua.
Falenderoj kapitenin Erdenis Gurishta per mbeshtetjen qe nga dita e pare.
Nuk mund te harroj pa falenderuar te gjithe tifozët e mrekullueshem te Vllaznise.
Kane gjetur mundesine te na perkrahin gjithmone edhe ne kete vit te veshtire.
Ju falenderoj perzemersisht