Nga një trill i çuditshëm në një blerje e fuqishme për PSG-në. Gigi Donnarumma e shtyu Italinë drejt finales europiane. Dhe në Paris, ku blerja e portierit italian u prit me njëfarë skepticizmi, rivaliteti apriori me Keylor Navas po shkatërrohet. Për “L’Equipe”, në fakt, ish-portieri i Milanit është pjesë e traditës së madhe të portierëve blu, me “duar të arta”.
Ditët e fundit, revista e njohur sportive franceze i kishte kushtuar hapësirë të madhe parizienit të ri, të cilit i mungon vetëm statusi zyrtar për të filluar kapitullin e ri të karrierës. E pashmangshme, pasi ofron garanci midis shtyllave me pritje të ndryshme vendimtare. Pas performancës së djeshme, pati edhe bekimin e nënshkrimit të parë të “L’Equipe”, që i kushton shtatë faqe suksesit kundër Spanjës, përfshirë edhe faqen e parë me titullin elokuent: “L’allegria”. Për mediat francezët, ekipi i Mancini di të fitojë ndërsa argëtohet, por edhe vuan, duke alternuar futbollin modern me traditat e vjetra mbrojtëse.
Dhe “basti” i fundit është Donnarumma, i cilësuar si “dora e artë”. Ai është lojtari më i mirë i axurrëve, sipas “L’Equipe”: “Në moshën 22 vjeç, ai shtrin traditën e portierëve të mëdhenj finalistë italianë, nga Toldo, hero i gjysmëfinales së Kampionatit Europian 2000, te Buffon, kampion bote më 2006. Përcaktues në këtë gjysmëfinale, perfekte në një goditje të Oyarzabal, në një goditje të lirë të Olmo, duke spastruar gjithçka që është e mundur në zonën e tij me grushte.
Por, asgjë nuk do të llogaritet më shumë në mitologjinë italiane sesa penalltia e pritur ndaj Morata (…) me atë cilësi të shtrirjes në tokë, kaq madhështore për një portier 196 cm. Tifozët e PSG-së do ta kenë vlerësuar gjithashtu. Dhe, nëse në Paris është e nevojshme të vendosin se cili do të jetë titullar, bazuar te penalltitë, atëherë kjo dilemë është zgjidhur”. Referenca, natyrisht, është për Navas, 34-vjeçar, dy sezonet e fundit si protagonist me PSG, i vlerësuar nga tifozët për performancën dhe udhëheqjen e tij.
Mediat lokale e kishin “peshuar” me hutim vendimin i klubit të Emirit të Katarit për të vënë bast mbi 22-vjeçarin italian. Por, tani ka prova dhe fakte, në sytë e të gjithëve, se kostarikani do të duhet të merret me një koleg 12 vjet më të ri, i vendosur të imponohet edhe te PSG. Si titullar, qoftë në ekipin kombëtar, me të cilin luan finalen e “Euro 2020”, ashtu edhe me parizienët, në kërkim të Champions-it.
