Atletiko Madrid si duket e ka mbyllur marrëveshjen për transferimin e mesfushorit argjentinas, Rodrigo De Pol.
Lajmi u bë i ditur nga agjenti i njohur Fabricio Romano i cili dha edhe detaje të këtij operacioni. De Pol do të zyrtarizohet si lojtar i ri i Atletikos këtë muaj sapo të mbaroj angazhimet me Argjentinën në “Copa America”. Operacioni do të kryhet mbi bazën e 35 milionë eurove dhe për 27 vjeçarin do të ketë një kontratë 5 vjeçare.
De Pol spikati në 5 sezone të luajtura me Udinezen në Serinë A teksa tani do të bëhet gati për hapin e madh në karrierë për tu bërë pjesë e kampionëve të Spanjës. Argjentinasi ishte një dëshirë e vjetër e dyja ekipeve të Milanos, Interit dhe Milani, por skuadra e Simeones lëvizi më shpejtë duke joshur Udinezen me ofertën e saj.
