Gjysmëfinalja e parë e Europianit do të luhet ndërmjet Italisë dhe Spanjës në stadiumin “Uembli” të Anglisë.
UEFA ka vendosur ditën e sotme se cilët gjyqtarë do të vendosin drejtësi në këtë sfidë. Arbitër kryesorë do të jetë Fliks Bryzh i cili në vitin 2017 ka arbitruar finalen e Ligës së Kampionëve ndërmjet Juventusit dhe Real Madridit. Asistent të Bryzh do të jenë gjermanët Mark Borsh dhe Stefan Lup.
Ndërsa arbitër të katërt UEFA ka caktuar rusin Sergei Karasev. Në VAR do të jetë gjermani tjetër Marko Fritc. Sfida do të luhet në datën 6 korrik në orën 21:00.
