Ndeshja mes Atletico Mineiros dhe Boca Juniors në Copa Libertadores u prish nga skenat e shëmtuara dhe tronditëse të dhunës, pasi futbollistët e kësaj të fundit u përleshën me policinë në detyre pas një vendim polemik të VAR-it.
Boca ra nga Copa Libertadores në rrethin e 16 më të mirëve të martën mbrëma, pasi u mposht në penallti nga Atletico Mineiro në Belo Horizonte, raporton Gazeta Express.
¡Duras imágenes de la bronca en el Atlético Mineiro 🆚 Boca!
El duelo se vio envuelto en polémica por un gol anulado al conjunto argentino. @Atletico 🇧🇷 consiguió el pase a los cuartos de final venciendo en los penales. #Libertadores
— Goal en español (@Goal_en_espanol) July 21, 2021
Futbollistët e Bocas u ankuan se iu shfuqizua pa të drejtë një gol i rregullt gjatë ndeshjes dhe zemërimin e tërbimin nga humbja 3:1 në penallti e shfryen pas ndeshjes në tunel.
Pas ndeshjes, disa lojtarë të Bocas, përfshirë ish-mbrojtësin e Manchester Unitedit Marcos Rojo, u përpoqën të futeshin dhunshëm në zhveshtoren e Mineiros për t’u ballafaquar me gjyqtarët.
Marcos Rojo y Carlos Izquierdoz, a las trompadas con la seguridad. pic.twitter.com/Zc7BTG5gsM
— Planeta Boca Juniors (en 🏡) (@PlanetaBoca) July 21, 2021
Objekte si fikës zjarri dhe barriera metali u hodhën nga lojtarët e Bocas në drejtim të derës së dhomës së gjyqtarëve, duke bërë që policia të ndërhyrje për ta qetësuar situatën.
Policia përdori gaz lotsjellës ndaj disa lojtarëve dhe anëtarëve të stafit të Bocas dhe raportohet se do të ketë arrestime në mesin e të përfshirëve në përleshje.
