Roma është gatshi të përshpejtojë operacionin për blerjen e Granit Xhakës. Arsenali në fakt ka zyrtarizuar afrimin e mesfushorit qendror të Anderlecht, Albert Sambi Lokonga, duke zhbllokuar kështu shitjen e mesfushorit shqiptar të Zvicrës. Negocimi midis dy klubeve është duke vazhduar dhe ka pasur përafrim, siç konfirmohet nga media angleze.
Arsenali, pasi ka gjetur zëvendësuesin për kapitenin e kombëtares helvete, mund t’i plotësojë nevojat e Tiago Pinto. Roma ka ofruar 15 milionë euro për Xhakën, ndërsa “Topçinjtë” nga 23 milionë, sa kërkuan në fillim, janë ulur te 18 milionët, duke përfshirë bonuse. Së shpejti Mourinho do të ketë mesfushorin e tij të dëshiruar fort nën urdhëra.