Gareth Bale do të ribashkohet me Carlo Ancelotti-n te Real Madrid në këtë sezon, pas huazimit te Tottenham.
Mund të jetë një fillim i ri për Bale ose një fund i ngadaltë.
Aventura e dytë e uellsianit te Los Blancos, në fakt, ka filluar me një lajm të keq.
Siç ka bërë të ditur AS, Bale ka mbetur pa numrin e tij 11 të fanellës. Ai numër që e ka shoqëruar në vitet e arta me Los Blancos.
Faji, nëse kështu mund ta quajmë, është e Asensio-s, i cili ka zgjedhur pikërisht atë numër.
Bale, ashtu si të gjithë lojtarët e kthyer nga huazimi, kanë qenë të detyruar të zgjedhin mes numrave të mbetur dhe, në rastin e uellsianit, vendimi nuk është marrë akoma.
Kështu, për momentin, Bale është pa një numër fanelle dhe nëse Asensio nuk do t’i bëjë një nder, zgjedhja e tij do të duhet të jetë mes 14-ës dhe 16-ës, dy të vetmit të mbetur të lirë.
