Ish-gardiani i Kombëtares shqiptare, Saimir Ujkani mund të vazhdojë karrierën tek skuadra e Serisë B, Alesandria.
Pas dy sezoneve të kaluara tek Torino, Ujkani me shumë mundësi do të largohet nga skuadra granate për shkak të afrimit të Etrit Berishës, i cili u zyrtarizuar vetëm pak ditë më parë.
Sipas agjentit të njohur italian, Xhanluka Di Marzio, Torino dhe Alesandria janë në tratativa të avancuara për mbylljen e marrëveshjes, e cila do t’i jepte ish-gardianit të Kombëtares mundësinë dhe për tu aktivizuar më shumë minuta në fushë.