Sulmuesi shqiptar, Astrit Selmani është bërë protagonist ditën e sotme duke shënuar vetëm pas 26 sekondash lojë në fitoren e skuadrës së tij Hamarbi ndaj rivalëve të Orebros në Suedi.
24-vjeçari shfrytëzoi bukur një pasim brenda zonës për të mposhtur portierin kundërshtar me një diagonale në cepin e majtë të portës. Goli i Selmani i dha rrugë fitores së Hamarbit e cila realizoi dhe një herë në pjesën e dytë për të marrë 3 pikë mjaft të rëndësishme në kuadër të javës së 11-të të kampionatit suedez të futbollit.
Astrit Selmani u transferua në janar tek Hamarbi nga skuadra tjetër e Varbergsit ku qëndroi për 2 sezone dhe realizoi 30 gola. 24-vjeçari ka lindur në Suedi dhe është grumbulluar më parë me përfaqësuesen e Kosovës, por pa bërë ende debutimin me dardanët.
🇽🇰🇸🇪| ASTRIT SELMANI GOAL!
Selmani gives @Hammarbyfotboll the lead inside the first minute 😍pic.twitter.com/gBOBxML6Fn
— Dardanian Football (@DardanianFooty) July 18, 2021