Mesfushori Ersil Ymeri i ka dhënë fund aventurës së tij tek Kukësi duke e mbyllur 1 vit para përfundimit të kontratës.
Lajmi e bëri të ditur vetë mesfushori nëpërmjet një postimi në rrjetet sociale, më pas reagoi dhe vetë klubi verilindor duke zyrtarizuar mbylljen e marrëveshjes me shkodranin. Ersil Ymeri iu bashkua Kukësit sezonin e kaluar, duke mos arritur të shënojë asnjë gol me fanellën e verilindorëve.
”Nga ky moment nuk jam me lojtar i Kukesit. Faleminderit!”, shkroi futbollisti në profilin e tij.
Kontrata është ndërprerë me konsensus nga të dyja palët dhe lojtari është larguar në formën e agjentit të lirë, teksa nuk dihet ende e ardhja e Ymerit i cili mund të vazhdojë të qëndrojë në Superiore.
