Futboll Seria A Sport

FAZA PËRGATITORE/ Muriqi nuk ndalet, “Pirati” shënon një tjetër gol në miqësoren e Lazios (VIDEO)

Vedat Muriqi duket se po mundohet me çdo mënyrë që të fitojë një vend në Lacion e Mauricio Sarrit dhe sinjalet që po jep në fazën përgatitore janë ato të duhurat. Sulmuesi, i cili po aktivizohet si titullar në ndeshjet miqësore të Lacios, ku mungon ende Imobile, po shënon me rregullsi duke treguar se mund të ndihmojë bardhekaltrit në sezonin e ri.

Në miqësoren e sotme ndaj Triestinës, Muriqi ishte titullar në radhët e bardhekaltërve, ashtu si edhe Strakosha në portë e Hysaj në mbrojtje. Sulmuesi e shfrytëzoi përsëri mundësinë që iu dha pasi në minutën e 21-të të takimit, pas një harkimi perfekt të Luis Albertos, dërgoi topin në rrjete me një goditje me kokë të pakapshme për portierin kundërshtar.

Ai kishte edhe disa mundësi të tjera shënimi, por nuk arriti të çonte përsëri topin në rrjetë në 45 minutat në të cilat u aktivizua, por gjithsesi mori duartrokitjet e tifozëve të cilët që pas kritikave të Sarrit, kanë ndryshuar sjellje ndaj sulmuesit të Kosovës.

Related posts

Luajti 13 minuta por nuk e preku fare topi, të gjithë po tallen me blerjen e Chelseas

Q.Autor

Fitorja ndaj Cagliarit, Gattuso bën deklaratën e ‘çmendur’: Kessie më i mirë se unë!!

Q.Autor

PREMIER LEAGUE/ Salah magjik, shpëton Liverpool me një gol nga… (VIDEO)

Delo.autor

Leave a Comment