Tirana nisi të hënën stërvitjen e radhës në “Selman Stërmasi”, ndërsa risitë për bardheblutë ishin dy: Ardit Toli dhe Jurgen Çelhaka.
Të dy janë kthyer në stërvitje, një javë pas skuadrës bardheblu. Ka qenë në mëdyshje Ardit Toli. Lojtari ka kërkuar që të jetë pjesë e projektit, në të kundërt t’i jepnin letrat.
Me sa duket, bardheblutë i kanë mbushur mendjen lojtarit që të qëndrojë dhe nuk e kanë larguar nga ekipi.
Mesfushori ka qenë titullar gjatë kohës së Nevil Dedes, por më pas doli rezervë. Futbollisti luan në çdo pozicion të mesfushës dhe në krahun e djathtë të mbrojtjes.
Toli ishte dje në stërvitje dhe madje në formë të mirë sportive.
