Sapo të fillojë sezoni, Sergio Ramos, Pilar Rubio dhe katër fëmijët e tyre do të kenë shtëpinë e tyre të re në “Neuilly-sur-Seine”, një nga lagjet më të sofistikuara në Paris. Lojtari do të përqendrohet në maksimum për të dhënë gjithçka në klubin e tij të ri, ndërsa gruaja, prezantuese televizive, do të vazhdojë punën në “El Hormiguero”.
Kjo u konfirmua nga vetë Pilar Rubio në një imazh të prezantimit të ish-kapitenit të bardhë me ekipin e ri: “Unë përballem me një nga sfidat më të komplikuara, të jem me familjen time, në të cilën të gjithë jemi një, në Paris; si dhe në Madrid, ku do të vazhdoj të kryej angazhimet e mia të ndryshme profesionale”.
Në këtë kuptim, prezantuesja gjithashtu theksoi se aeroplani privat i blerë nga çifti do të bëhet “shoqëruesi i saj i ri më i mirë”. Edhe pse ajo ishte e ngazëllyer dhe me shpresë për ta filluar këtë aventurë të re, udhëtimet e shpeshta Madrid-Paris dhe anasjelltas do të bëhen të bezdisshme, por gjen një rrugëdalje: “Jam e sigurt që do të shpik ndonjë hobi të ri për orët e fluturimit”.
Ky nuk do të jetë problem, pasi familja ka një avion privat që, me siguri, do të jetë shumë i dobishëm për prezantuesen televizive përballë punëve të saj javore në kryeqytetin spanjoll. Ish-kapiteni i Real Madridit njoftoi blerjen e këtij aeroplani privat, që me qira ka çmimin është rreth 2.500 euro në orë. Kësisoji, lehtëson udhëtimet e familjes mes dy kryeqyteteve të njohura dhe diversifikon portofolin e tij të biznesit.
“Cessna Citation 560” do të jetë shoqëruesi i pandashëm i Pilar Rubio në udhëtimet e saj. Një luks i vërtetë, pasi ka vende prej lëkure të rehatshme, tavolina ekzekutive prej druri arre, banjo, midis shumë komoditeteve të ndryshme. Përveç kësaj, për shkak të madhësisë së tij, aeroplani në fjalë ka më pak kufizime kur zbarkon, pasi mund ta bëjë këtë, për shembull, edhe në fermat private.
