Futboll Sport

REVOLUCIONI/ “Play off” dhe 18 skuadra, ja ndryshimet rrënjësore që mund të ketë Seria A

U mblodh dje në selinë e Ligës së Serisë A Asambleja e Klubeve. Në rend të ditës ishte formati i ri që do të kaplojë turneun, duke nisur që nga sezoni 2024-’25.Nuk ka ende një vendim zyrtar, por orientimi është ai i një kampionati me 18 skuadra, ndryshe nga 20 që e përbëjnë aktualisht. Për të vendosur fituesin e sezonit, do të duhet që katër të parat të përballen në një fazë finale me model ndeshjesh direkte, praktikisht dy gjysmëfinale si në çdo turne që kemi asistuar deri më sot.

Kampionati 2021-’22, raporton “La Stampa”, duhet të jetë i fundit me formatin aktual. Më pas, rregullimet e nevojshme për zbatim do të duhet të fillojnë nga dy risitë e sipërpërmendura.

Për këtë motiv, kampionatet 2022-’23 dhe ’23-’24 duhet të jenë ato të periudhës tranzitore, në të cilën do të harmonizohen zbritjet dhe promovimet nga Seria B, për të arritur në 18 ekipe.

Më në fund, kampionati 2024-’25 duhet të jetë i pari me kampionatin e “play off”-it dhe 18 ekipe.

Qëllimi i Federatës Italiane do të ishte të fillonte me inovacione më herët, por periudha e tranzicionit mbetet e vështirë për t’u kompensuar, sidomos edhe për shkak të hapësirave të pakta që lejoi periudha pandemike e COVID-19.

Related posts

Marrëveshje e mbyllur, Kamer Qaka transferohet te Steaua Bukuresht

Sadik.Autor

AKSIDENT AUTOMOBILISTIK DHE NË RREZIK PËR JETËN/ Ja gjendja shëndetësore e ish-lojtarit të Juventus…

Delo.autor

STATISTIKA TË ÇUDITSHME/ Më i mirë se Messi, CR7, Mbappe & Co. Buffon është i vetmi në Europë

Delo.autor

Leave a Comment