Futboll Sport

SFIDA NDAJ VLLAZNISË PËR CONFERENCE LEAGUE/ Mbrojtësi Teikseira: Shqiptarët, të rrezikshëm

Mbrojtësi i AEL Limasolit, Andre Teikseira, ishte dje në konferencën për mediat në krah të trajnerit Kerkez. Futbollisti portugez ka vlerësuar Vllazninë për mënyrën se si luan.

“Ne presim një ndeshje të vështirë. Ata janë një ekip i mirë, me lojtarë që luftojnë për çdo top. Në fazën sulmuese ata janë shumë të fortë. Ne duhet të jemi seriozë, të bëjmë lojën tonë dhe gjithçka që trajneri kërkon nga ne”, ka thënë ai fillimisht. Më pas u ka bërë apel tifozëve që ta mbështesin AEL-in masivisht.

“Ne jetojmë për ndeshje si këto ku atmosfera është elektrizuese dhe na nxit të japim më të mirën tonë. Nëse i kemi me vete tifozët, do të jetë një ndihmë e madhe për ekipin. Porosi të veçanta nga trajneri? Fillimisht na ka kërkuar që të ndihmojmë sa më shumë të rinjtë që kanë ardhur deri tani. Duhet të jemi të kujdesshëm me ta brenda dhe jashtë fushës. Kjo është fryma e ekipit, kjo është ajo që bëjnë lojtarët më të vjetër gjithmonë ndërsa janë këtu.

Shanset me Vllazninë? Nuk ka asnjë kundërshtar të lehtë. Nëse jemi të përqendruar dhe seriozë do të jemi më afër një rezultati pozitiv”, deklaroi Teikseira.

Related posts

CHAMPIONS/ Benzema i dhuron fitoren Real Madrid me dopietë dhe kualifikimin. Zidane shpëton stolin

Delo.autor

PLAS NË COPPA ITALIA/ Pirlo e zëvendësoi 14 minuta nga fundi, Ronaldo shfryn ndaj trajnerit të Juventus (VIDEO)

Delo.autor

Barcelona synon rekordin historik të vendosur më 1979/80 (FOTO)

Q.Autor

Leave a Comment