I intervistuar nga L’Equipe, Louis van Gaal ka folur për Europianin dhe për mundësinë që të kthehet në stol:
“UEFA ka bërë një gabim të madh duke modifikuar formatin e Europianit. Duke kaluar nga 16 në 24 skuadra ka ulur nivelin e kampionatit. Pjesa më e madhe e ndeshjeve të luajtura në fazën me grupe nuk kanë qenë tërheqëse”, ka thënë Van Gaal.
“Italia është skuadra më e mirë që kam parë në Europian, uroj që të fitojë finalen. Kanë arritur të ndryshojnë lojën e tyre, duke lënë sistemin ‘catenaccio’ për të ofruar një futboll më kolektiv ku skuadra është protagoniste”.
Në lidhje me një kthim të mundshëm në krye të Holandës:
“Do të ishte e pabesueshme nëse do të ma ofronin vendin për të tretën herë. Nëse do të ndodhë,do të duhet të mendohem mirë”.
