Ish-futbollisti i Laçit, David Domgjoni ka bërë një hap të madh në karrierë duke u transferuar drejt Superligës zvicerane te skuadra e Luzernit.
24-vjeçari pas një sezoni pozitiv me turqit e Menemensporit ka rënë në sy të skuadrës zvicerane e cila e konsideron si një përforcim të madh në fazën defensive. Domgjoni ishte pjesë e Laçit dhe Kastriotit para se të transferohej në Turqi për të pikasur dhe në arenën europiane më pas.
Mbrojtësi ka firmosur një kontratë 2-vjeçare teksa në klubin zviceran Domgjoni është pritur si një yll. Vetë faqja e klubit, ka shpërndarë një video ku shikohet se si 24-vjeçari transportohet në selinë e klubit duke marrë dhe përshtypjet e para. Kujtojmë se te Luzerna më parë janë aktivizuar dhe dy ish-futbollistët e Kombëtares, Migjen Basha dhe Jamir Hyka.
Die ersten Stunden von David in Luzern. Und dann gleich zum Laktattest. Schöne Momänt 🤣.#FCL #nomeLozärn #seit1901fürimmer pic.twitter.com/NQIUv2JUPD
— FC Luzern (@FCL_1901) July 28, 2021