Ish-mbrojtësi i Partizanit, Labinot Ibrahimi ka arritur marrëveshjen me skuadrën kosovare të Arbërisë dhe do të vazhdojë të jetë pjesë e skuadrës dhe për sezonin tjetër.
35-vjeçari u transferuar tek Arbëria sezonin e kaluar duke qenë titullar i padiskutueshëm, duke mbajtur dhe rolin e liderit në skuadër.
Lajmin e bëri të ditur vetë klubi duke zyrtarizuar sërish bashkëpunimin me qendërmbrojtësin. Ibrahimi ka qenë pjesë e Partizanit për 6 sezone në vitet 2013-2019 duke qenë një ndër lojtarët më të rëndësishëm të ‘’demave të kuq’’.