72 minuta në fitoren e djeshme të Totenhemit kundër Uolverhemptonit e largojnë edhe më shumë Herri Kejnin nga “kthetrat” e Mançester Sitit.
Situata është ndërlikuar ndjeshëm, pasi Nuno Espirito Santo ka vendosur të besojë te sulmuesi dhe duket sikur nuk pranon që ai të largohet.
Kejn ka kërkuar shitjen dhe Pep Guardiola mezi pret ta ketë nën urdhrat e tij. Diferencat janë te kërkesa dhe oferta. Mungojnë akoma 50 milionë euro në propozimin që “Qytetarët” duhet të dërgojnë në Londrën Veriore.
Në Mançester po mundohen të shesin disa lojtarë për të plotësuar shumën, ndërkohë që edhe Totenhemi nuk qëndron pa lëvizur.
Me sa duket “Spurs” kanë një akord paraprak me Pier Emerik Obamejang dhe nëse Kejn largohet, do të jetë gabonezi që do të trashëgojë një fanellë të rëndë siç është ajo me numrin 9.
