Çelsi e nisi sezonin në Premier Ligë me një perlë të Markos Alonsos. Mbrojtësi spanjoll, i surprizoi të gjithë, teksa në minutën e 27-të, falë një gjuajtje të kalibruar nga goditja e dënimit, realizoi një perlë, duke shtangur portierin e Kristal Palas, Guaita.
Blutë e Londrës, të drejtuar nga trajneri Tuhel, nuk u ndalën me kaq, teksa në minutën e 40-të, Kristian Pulisiç ngriti shifrat në 2-0, duke dërguar skuadrën në dhomat e zhveshjes me avantazhin e dyfishtë.
Start më të mirë nuk mund të kishte për kampionët në fuqi të Champions-it, që këtë sezon do të tentojnë t’i rrëmbejnë Sitit të Guardiolës, kampionatin.