Altetiko Madrid bën një tjetër goditje në merkato duke siguruar shërbimet e talentit brazilian Mateus Kunja.
22-vjeçari luan në Gjermani tek skuadra e Hertës së Berlinit, por mungon vetëm zyrtarizimi. Operacioni do të finalizohet mbi bazën e 30 milionë eurove.
Objektiv i Atletiko Madrid ishte ylli i Serisë A, Dushan Vlahoviç, por pretendimet e larta të Fiorentinës bën që madrilenët të tërhiqeshin. Kunja mund të luajë si sulmues i dytë dhe i parë, teksa sezonin e kaluar u bë protagonist me 8 gola dhe 7 asiste në të gjitha ndeshjet me Hertën.
22-vjeçari ra në sy me performancën fantastike në Lojërat Olimpike duke shënuar gol në finalen kundër Spanjës, për t’i dhënë Brazilit medaljen e arit.
