Trajneri i Barcelonës, Ronald Koeman ka publikuar listën e lojtarëve të ftuar për ndeshjen e xhiros së dytë në La Liga ndaj Athletic Bilbaos.
Barcelona e nisi mbarë sezonin e ri me fitore 4:2 ndaj Real Sociedadit, e që ishte starti i një epoke të re të tyre, pa Lionel Messin i cili ka shkuar në PSG.
Në listë shihet edhe emri i sulmuesit shqiptar, Rey Manaj, shkruan Gazeta Express.
Ndërkohë, numri 10-të ende vazhdon të mbetet i paprekur, ndonëse raportohet se Coutinho mund ta bartë atë numër tash e tutje. /Gazeta Express.
