Dani Alves ka kaluar një kohë të gjatë me Leo Messin, plot 8 vite, duke fituar gjithçka bashkë. Ishte periudha më e lumtur mes vitit 2008 dhe 2016.
Braziliani, ndër të tjera fitues i trofeut të 43-të në karrierën e tij – si askush tjetër në historinë e futbollit – ka reaguar pas ceremonisë së lamtumirës së Leo Messit nga Barcelona.
38-vjeçari nuk e ka fshehur kurrë admirimin e madh për yllin argjentinas, për të cilin zgjedh këto fjalë në postimin e kryer në rrjetet sociale:
“Je më i madhi i të mëdhenjve. Pas të dashurës time, ke qenë partneri im më i mirë. Faleminderit për gjithçka dhe për ne, faleminderit që ndave kaq shumë dhe faleminderit që më lejove të isha pjesë e historisë tënde“.