Janë luajtur në mjediset e Akademisë Dhimitraq Goga” ndeshjet e ditës së dytë të Kupës së Federatës në basketboll për meshkuj.
Në Grupin A, skuadra e Kamza Basket fitoi 91-80 ndaj Vllaznisë, një përballje e fortë mes dy ekipesh rivale. Ndeshje e ekuilibruar, fituar nga kamzalinjtë, që presin edhe sfidën e fundit të këtij grupi për të mësuar nëse kualifikohen në finale apo jo (në këtë grup është edhe Tirana).
Në Grupin B, skuadra e Dinamos mposhti me lehtësi 91-66 rivalët e Besëlidhja Eagles Basket. Takim i dominuar nga blutë, që korrën suksesin e parë në këtë event. Skuadra tjetër e këtij grupi, Partizani, ishte pushim.
