Lewis Hamilton, 7 herë kampion bote në Formula 1, beson se incidenti i garës së fundit mes tij dhe rivalit për titull, Max Verstappen, do të jetë i fundit për këtë sezon. “Mendoj se të dy do të tregohemi profesionistë në pistë dhe se kemi mësuar nga e shkuara. Jam i bindur se nuk do të kemi më incidente gjatë këtij viti”, tha Hamilton.
“Të gjithë duhet të tregohemi inteligjentë dhe duhet të kuptojmë se kur duhet të heqim këmbën nga gazi në një kthesë. Vetëm përmes përvojës një pilot gjen ekuilibrat e duhur, që i japin mundësi të fitojë. Një titull nuk fitohet në një kthesë, pasi sezoni është i gjatë”, u shpreh Lewis Hamilton, piloti britanik i Mercedes.